កំឡុងពេលកូវីដ១៩ ការនាំចេញរបស់ថៃហាក់បីដូចជាត្រមាត់ខ្លាំង ហើយអ្វីដែលត្រូវមាត់ខ្លាំងជាងគេនោះគឺការនាំចេញអង្ករ និងផ្លែឈើ បើយើងនិយាយពីការនាំចេញផ្លែឈើរបស់ប្រទេសថៃគឺអាចនាំចេញបានច្រើនមែនទែន ជាពិសេសនោះនៅក្នុងតម្លៃថៃថែមទៀតផង ជាក់ស្តែងបើយោងទៅតាមការចុះផ្សាយសារព័ត៌មាន Global Time កាលពីថ្មីៗនេះបានអោយដឹងថា កាលពីឆ្នាំ២០២០ កន្លងទៅថ្មីៗនេះ ប្រទេសចិនហាក់បីដូចជាជាប់មាត់ទៅនឹងផ្លែឈើប្រទេសថៃយ៉ាងខ្លាំង ។
សារព័ត៌មានដដែលបានអោយដឹងទៀតផងដែរថា ផ្លែឈើដែលត្រូវមាត់ និងអាចឆក់ទីផ្សារយក្សប្រទេសចិនបាននោះគឺផ្លែទុរេន ដែលចិននាំចេញផ្លែទុរេនពីថៃក្នុងចំនួនរហូតទៅដល់ ៥៧៥០០០ តោន ដែលគិតជាចំនួនទឹកលុយវិញ ២.២ ពាន់លានដុល្លារ នេះរាប់បញ្ជូលទុរេនតែមួយមុខតែប៉ុណ្ណោះ ដែលចិនប្រមូលទិញស្ទើរអស់ពីចំការនៅប្រទេសថៃ ក្នុងនោះចិនប្រមូលទិញមួយគីឡូ មានតម្លៃរជាង ៧ដុល្លារ ហើយប្រសិនបើចិនមិនគិតពន្ធនាំចេញទៀតថៃកាន់តែចំណេញកប់ក្តោង ។
តួយ៉ាងកាលពីឆ្នាំ២០១៩ ការនាំចេញទុរេនរបស់ថៃទៅកាន់ប្រទេសចិន និងប្រទេសនៅតំបន់អាស៊ីមួយចំនួនទៀតបានទឹកប្រាកត្រឹមតែប្រមាណជា១.៤៦ពាន់លានដុល្លារតែប៉ុណ្ណោះ ប៉ុន្តែក្នុងឆ្នាំ២០២០ ថៃក្របួចទីផ្សារប្រទេសចិនតែមួយសោះអាចកើបលុយបានជាង២ពាន់លានដុល្លារ បើធៀមមើលទៅគឺច្រើនខ្លាំងមែនទែនពីឆ្នាំមុន ។
គួរជម្រាបផផងដែរថា កាលពីឆ្នាំ២០២០កន្លងទៅថ្មីៗនេះ ថៃមិនត្រឹមតែនាំទុរេនទៅចិនតែមួយមុខត្រប៉ុណ្ណោះទេ ប៉ុន្តែមានប្រភេទផ្លែឈើជាច្រើនមុខទៀតទាំងស្រស់និងដំណាប់ដូចជាផ្លែឈើរី ចេញលឿង មង្ឃុត ទំពាំងបាយជូ ស្រការនាគ ក្រូច និងមានផ្លែឈើជាច្រើនមុខទៀត ។