ក្រសួងសុខាភិបាល បានប្រកាសនៅព្រឹកថ្ងៃទី២៦ ខែកុម្ភៈ ឆ្នាំ២០២១ នេះ មានករណីឆ្លងកូវីដ១៩ថ្មី ចំនួន ៤៤នាក់ទៀត។
ក្នុងនោះ ៤០នាក់ ពាក់ព័ន្ធនឹងព្រឹត្តិការណ៍ឆ្លងសហគមន៍ ថ្ងៃ២០កុម្ភៈ។ គិតមកដល់ព្រឹកថ្ងៃតី២៦កុម្ភៈនេះ ចំនួនអ្នកឆ្លងកូវីដ១៩ ក្នុងសហគមន៍២០កុម្ភៈ កើនឡើងដល់ចំនួន ២៣៤នាក់ហើយ។ រីឯនៅទូទាំងប្រទេស មានអ្នកឆ្លងកូវិដ១៩ សរុប ៧៤១នាក់។ ក្នុងនោះ ជាសះស្បើយ ៤៧៧នាក់ និងកំពុងសម្រាកព្យាបាលនៅមន្ទីរពេទ្យ ចំនួន ២៦២នាក់៕
