អគ្គនាយិកាផលិតកម្ម "រាម" បានបញ្ចេញរឿងពិតមួយថា ពីអតីតកាល អ្នកស្រីធ្លាប់ទៅដាក់ពាក្យប្រកួតប្រជែងក្នុងការសម្ដែងមួយ ប៉ុន្តែបែរជាធ្លាក់ទាំងមិននឹកស្មាន អ្នកស្រី នួន សុន្ទរី ហៅ ស្រីអូន
ក្នុងថ្ងៃបើកសម្ពោធផលិតកម្មរបស់ខ្លួន ស្របជាមួយនឹងពិធីទទួលស្វាគមន៍តារាចម្រៀង មាស សុខសោភា បានប្រាប់ឲ្យដឹងថា តាមពិត តាំងពីដើមមក អ្នកស្រីគឺជាអ្នកស្រឡាញ់សិល្បៈងប់ងុលម្នាក់ ហើយធ្លាប់មានបំណងវិវត្តខ្លួនទៅជាតារាសម្ដែងម្នាក់។ ដូច្នេះហើយ អ្នកស្រីបានស្វះស្វែងរកឱកាសដើម្បីបានសម្ដែង ដោយក្នុងនោះធ្លាប់ដាក់ពាក្យប្រកួតសម្ដែងមួយផង“ខ្ញុំស្រឡាញ់សិល្បៈ និងចង់ក្លាយជាតារាសម្ដែងម្នាក់ ហើយនិយាយមែនទែន ខ្ញុំធ្លាប់ទៅប្រកួតសម្ដែងក្នុងកម្មវិធីមួយ នៅពេលហ្នុង គេឲ្យខ្ញុំឈរថតរូបតែ១កំណាត់ខ្លួនឡើងលើ ស្រាប់តែក្រោយមកគេប្រាប់ថា អូនឯងធ្លាក់ហើយ...ខ្ញុំអត់យល់សោះ អត់ទាន់បានប្រឡងផង ធ្លាក់បាត់ហើយ។ អ្នកស្រីថា មិនដឹងឡើយថា គេទម្លាក់ដោយយោងលើហេតុផលអ្វី ដូច្នេះហើយ បរាជ័យនាពេលនោះ នាំឲ្យអ្នកស្រីកើតកូនចិត្តមួយ "ខ្ញុំអត់ដឹងថា គេឲ្យធ្លាក់ដោយសារអី...អីចឹងខ្ញុំគិតចិត្តថា ចាំថ្ងៃណាមួយខ្ញុំបើកផលិតកម្មខ្លួនឯងហ្មង ។ អ្នកស្រី បញ្ជាក់ថា នឹងប្រើប្រាស់ផលិតកម្មនេះ ជួយលើកកម្ពស់សិល្បៈ និងអភិរក្សវប្បធម៌ប្រពៃណីខ្មែរ ព្រមទាំងនាំយករបស់ទាំងនេះ ឆ្ពោះទៅកាន់ឆាកអន្តរជាតិឲ្យបាន ៕
