ខេត្តបាត់ដំបង៖កម្លាំងផ្នែកជំនាញព្រហ្មទណ្ឌនៃអធិការដ្ឋាននគរបាលក្រុងបាត់ដំបងនិងកម្លាំងក្រុមអន្តរាគមន៍ បានចុះធ្វេីការបង្ក្រាបទីតាំងលួចលេងល្បែងស៊ីសង (ខ្លាឃ្លោក)មួយកន្លែងក្នុងបទល្មើសជាក់ស្តែង។
លោកវរសេនីយ៍ឯក ឆាង វណ្ណឆៃ អធិការនគរបាលក្រុងបាត់ដំបងបានអោយដឹងថា នៅក្នុងកិច្ចចុះប្រតិបត្តិការខាងលើធ្វើឡើងនៅវេលាម៉ោង ១៦និង៣០នាទី
ថ្ងៃទី២២ ខែកុម្ភះ ឆ្នាំ២០២១ នៅចំណុចភូមិអូរតាគាំ២ សង្កាត់ទួលតាឯក ក្រុងបាត់ដំបង។
ជាមួយកិច្ចប្រតិបត្តិការនេះដែរសមត្ថកិច្ចជំនាញបានធ្វើការឃាត់ខ្លួនក្រុមអ្នកលេងចំនួន០៥នាក់÷
១-ឈ្មោះ សឺន សឿប ភេទប្រុសអាយុ៤១ឆ្នាំ មានទីលំនៅភូមិអូរតាគាំ១ សង្កាត់ទួលតាឯក ក្រុងបាត់ដំបង
២-ឈ្មោះ ភួង សាវ៉ា ភេទប្រុស អាយុ៤០ឆ្នាំ មានទីលំនៅភូមិអូរតាគាំ២ សង្កាត់ទួលតាឯក ក្រុងបាត់ដំបង
៣-ឈ្មោះ ណម ចំរេីន ភេទប្រុស អាយុ២៥ឆ្នាំ មានទីលំនៅភូមិអូរតាគាំ១ សង្កាត់ទួលតាឯក ក្រុងបាត់ដំបង
៤-ឈ្មោះ ខែម សារិត ភេទប្រុស អាយុ៤៨ឆ្នាំ មានទីលំនៅភូមិអូរតាគាំ២ សង្កាត់ទួលតាឯក ក្រុងបាត់ដំបង
៥-ឈ្មោះ ណង គន្ធា ភេទស្រីអាយុ៣៧ឆ្នាំ មានទីលំនៅភូមិអូរតាគាំ១ សង្កាត់ទួលតាឯក ក្រុងបាត់ដំបង ។
វត្ថុតាងដកហូតរួមមាន÷
-ម៉ូតូចំនួន ០៣គ្រឿង
-កង់ចំនួន០១
-គ្រាប់ខ្លាឃ្លោកចំនួន០៤គ្រាប់
-ប៉ាយលេងខ្លាឃ្លោកចំនួន០១
-ចានដែកជ័រសំរាប់ក្រឡុកចំនួន០១
-កៅអីជ័រចំនួន០៥
-កន្ទេលចំនួន០២។
លោកអធិការបានបញ្ជាក់បន្ថែមថា ក្រុមអ្នកប្រព្រឹត្តលេងល្បែងស៊ីសងទាំង០៥នាក់ខាងលើ ក្រោយពីនាំខ្លួនយកមកសាកសួរនៅអធិការរួចមក រហូតមកដល់ពេលនេះត្រូវបានសមត្ថកិច្ចជំនាញធ្វើការអប់រំ និងធ្វើកិច្ចសន្យាអោយត្រឡប់ទៅសហគមន៍រៀងៗខ្លួនវិញផងដែរ។