ខេត្តព្រះសីហនុ ៖ ឯកឧត្តម គួច ចំរើន តំណាង ដ៏ខ្ពង់ខ្ពស់របស់សម្ដេចគតិព្រឹទ្ធបណ្ឌិតប៊ុនរ៉ានី ហ៊ុន សែន ប្រធានសមាគមជាតិកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិ នៃផែនការសកម្មភាព របស់អគ្គលេខាធិការអង្គការ សហប្រជាជាតិ ដើម្បីស្ត្រីនិងកុមារ។ ក្នុងនាមរដ្ឋបាលខេត្តឯកឧត្តម ក៏បានចុះសួរសុខទុក្ខនិងនាំយកនូវសម្ភារៈថវិកាជូនទៅដល់ ស្ត្រីនិងកុមារដែលកំពុងសម្រាកព្យាបាលនៅ តាមមណ្ឌលសុខភាពនានានៅមន្ទីរពេទ្យបង្អែកខេត្តព្រះសីហនុ រួមជាមួយនឹងពន្ធនាគារ នាព្រឹកថ្ងៃទី ២១ ខែកុម្ភៈឆ្នាំ ២០២១។
បើតាមរបាយការណ៍របស់មន្ទីរពេទ្យបង្អែកខេត្តបានឲ្យដឹងថា បច្ចុប្បន្នមានស្ត្រីដែលដែលបានឆ្លងទន្លេនៅមន្ទីរពេទ្យបង្អែកខេត្តមានចំនួន ២៤ នាក់ និងកុមារសម្រាប់ព្យាបាល ចំនួន ៣៨ នាក់ ដូចនេះក្នុងនាមសាខាកាកបាទក្រហមខេត្តព្រះសីហនុ បាននាំយកនូវសម្ភារៈរួមមានឃីតមួយកញ្ចប់ សម្ភារះ កុមារនិងថវិកាជូនដល់មាតានិងកុមារដែលកំពុងសម្រាកនៅតាមបណ្ដាមណ្ឌលសុខភាពមន្ទីរពេទ្យក៏ដូចជាព័ន្ធនាគា ដែលជាអំណោយរបស់សម្ដេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនប្រធាន សមាគមជាតិ កាកបាទក្រហមកម្ពុជា។
ហើយនៅក្នុងឱកាសទិវាជាតិ មាតាទារកនិងកុមារ ក្នុងនាមប្រតិបត្ដិកររដ្ឋបាលខេត្តឯកឧត្តមក៏បានថ្លែងអំណរគុណយ៉ាងជ្រាលជ្រៅចំពោះសម្ដេចកិត្តិព្រឹទ្ធបណ្ឌិត ដែលតែងតែគិតគូរនិងណែនាំ ឲ្យមានការយកចិត្តទុកដាក់ចំពោះ មាតាទារកនិងកុមារ ដែលកំពុងនិងសម្រាកព្យាបាលនៅតាមបណ្ដាលមណ្ឌលសុខភាព នានាមន្ទីរពេទ្យពន្ធនាគារនៅក្នុងឱកាសនៃទិវាដ៏មានអត្ថន័យនេះ៕