ខេត្តព្រះសីហនុ ៖ វិស័យទេសចរណ៍ជាផ្នែកមួយយ៉ាងសំខាន់សំរាប់សេដ្ឋកិច្ចដ៏សំខាន់របស់ប្រទេសនិមួយៗព្រោះថា វិស័យនេះ បាននាំមកនូវចំណូលជាតិ នេះបើយោងតាមការបញ្ជាក់ពីលោក វ៉េង ស៊ីសូវង្ស អនុប្រធានមន្ទីរទេសចរណ៍ខេត្តព្រះសីហនុ។
ថ្លែងនៅរសៀលថ្ងៃសុក្រ ៨កើតខែផល្គុន ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១៩ ខែកុម្ភៈ ឆ្នាំ ២០២១ នៅសណ្ឋាគារ ឡាវូក ខេត្តព្រះសីហនុលោក វ៉េង ស៊ីសូវង្ស អនុប្រធានមន្ទីរទេសចរណ៍ខេត្តព្រះសីហនុ បានមានប្រសាសន៍ថា៖វិស័យទេសចរណ៍ជាវិស័យសេដ្ឋកិច្ចដ៏សំខាន់មួយដែលសកលលោកផ្តោតការយកចិត្តទុកដាក់
ដឹកនាំដើម្បីធានាឲ្យមានការអភិវឌ្ឍន៍មួយប្រកបដោយនិរន្តរភាព និងការទទួលខុសត្រូវខ្ពស់ព្រោះថា វិស័យនេះ បាននាំមកនូវចំណូលជាតិ និងបង្កើតឪកាសការងារយ៉ាងច្រើនដល់ប្រជាពលរដ្ឋនៅក្នុង ប្រទេសនីមួយៗ។
លោកវ៉េងស៊ី សូវង្ស បានបន្ថែមទៀតថា៖ វិស័យទេសចរណ៍ជាវិស័យសេដ្ឋកិច្ចដ៏សំខាន់មួយដែលសកលលោកផ្តោតការយកចិត្តទុកដាក់ដឹកនាំ ដើម្បីធានាឲ្យមានការអភិវឌ្ឍន៍មួយប្រកបដោយនិរន្តរភាព និងការទទួលខុសត្រូវខ្ពស់ព្រោះថាវិស័យនេះ បាននាំមកនូវចំនូលជាតិ និងបង្កើតឪកាសការងារយ៉ាងច្រើនដល់ប្រជាពលរដ្ឋនៅក្នុងប្រទេសនីមួយៗ។លោកថា វិស័យទេសចរណ៍បាននាំមកនូវចំណូលជាតិប្រមាណ ៧,៣ ទ្រីលាន(7,3 trillion) ដុល្លារអាមេរិក(ស្មើ១០% នៃ Global GDP) បង្កើតការងារបានប្រមាណ ២៥០លាន នាក់(1/11 នៃការងារ សរុប) ។គេបានចាត់ទុកវិស័យទេសចរណ៍ជាវិស័យនាំចេញដោយនៅកន្លែងពិសេស ការចេញផ្នែកសេវា។ ៣០% នៃសេវាបានត្រូវនាំចេញដោយវិស័យទេសចរណ៍ស្មើ៧% នៃការនាំចេញសរុបរបស់ពិភពលោក។
លោក វ៉េង ស៊ីសូវង្ស បានបន្តទៀតថា វិស័យទេសចរណ៍ជាវិស័យនាំចេញដែលស្ថិតក្នុងលំដាប់ទី៣ បន្ទាប់ពីវិស័យប្រេងឥន្ទនៈទី១ វិស័យគីមី ទី២ រីឯវិស័យងទី៤។ ក្នុង ASEAN វិស័យទេសចរណ៍ បានផ្តល់ឪកាស ការងារប្រមាណ៤% នៃការងារសរុបក្នុង ASEAN ។ ក៏ប៉ុន្តែវិស័យទេសចរណ៍កម្ពុជាបានផ្តល់ការងារសរុបក្នុងប្រទេសរួមចំណែកប្រមាណ ៦២ម៉ឺននាក់ ស្មើ១៣% នៃការងារសរុបក្នុងប្រទេសរួមចំណែកប្រមាណ ១៣% នៃGDP។ ជាការពិត ដើម្បីការអភិវឌ្ឍន៍វិស័យទេសរណ៍មួយប្រកបដោយគុណភាព និរន្តរភាព មានកត្តាគន្លឹះយុទ្ធសាស្ត្រមូលដ្ឋានជាច្រើន ក្នុងនោះកត្តាកំណត់ដ៏ចំបងមួយ។ គេមិនអាចនិយាយពីគុណ ភាព សេវា ទេសចរណ៍បានទេ នៅពេលដែល គេមិនបានគិតគូរដល់ការបណ្តុះបណ្តាលធនធាន មនុស្សពិសេសផ្នែក វិជ្ជាជីវៈទេសចរណ៍នោះ។ ក្នុងយុទ្ធសាស្ត្រទេសចរណ៍ ASEAN ២០១៦-២០២៥ ៨នាការ និង កម្មវិធីបណ្តុះបណ្តាលធនធានមនុស្សផ្នែកជំនាញវិជ្ជាជីវៈក្នុងវិស័យនេះត្រូវបានយកចិត្តព្រមព្រៀង _ MRA (Mutual Recognition Arrangement) រវាងសមាជិកទាំង១០ លើកកម្មវិធីបណ្តុះបណ្តាលរួម(ASEANCommon Curriculum)ផ្នែកជំនាញវិជ្ជាជីវៈទេសចរណ៍ ដែលដំបូងរួមមាន ៣២ មុខជំនាញមានផ្នែកសណ្ឋាគារ ផ្នែកម្ហូបអាហារនិងភេសជ្ជៈផ្នែកសេវាកម្ម ធ្វើដំណើរក្នុងគោលដៅបំលាស់ទីការងារ ASEAN ។
សូមបញ្ជាក់ផងដែរថាវគ្គបណ្ដុះបណ្ដាល ដល់ មូលដ្ឋាន អាជីវកម្ម លើជំនាញ បដិសណ្ឋារកិច្ចការ ផ្ដល់នូវ សេវាកម្មការិយាល័យជួរមុខ និង គេហកិច្ច នេះមានការអញ្ជើញចូលរួមដោយ លោក វេង ស៊ីសូវង្ស អនុប្រធានមន្ទីរទេសចរណ៍ខេត្តព្រះសីហនុ ,មន្ត្រីជំនាញ , គ្រូបង្គោល និងបុគ្គលិកសិក្ខាកាម នៃ សណ្ឋាគារលោកទាំងអស់ មានចំនួនជាង ៣០នាក់។