ក្នុងឆ្នាំ២០២០ គណៈកម្មការអន្តរក្រសួង បានចុះបញ្ជីលេខពិសេសសម្រាប់រថយន្តគ្រួសារ និងរថយន្តធុនស្រាល សរុបចំនួន ៤២ ៧២៧ ផ្លាក បានទទួលចំណូលប្រមាណជាង ៣៤ ពាន់លានរៀល ស្មើនឹង ៨,៥៨ លានដុល្លារអាមេរិក (កើនឡើង ៤៥% ធៀបនឹងឆ្នាំ២០១៩)។ នេះបើតាមការបញ្ជាក់ពីឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ដ្រីក្រសួងសាធារណការ និងដឹកជញ្ជូន ក្នុងពិធីបិទសន្និបាតបូកសរុបលទ្ធផលការងារសាធារណការនិងដឹកជញ្ជូន ឆ្នាំ២០២០ និងលើកទិសដៅការងារឆ្នាំ២០២១ ថ្ងៃទី១៧ ខែកុម្ភៈ ឆ្នាំ២០២១។
រីឯការដាក់ឱ្យដំណើរការប្រព័ន្ធស្វ័យប្រវត្តិកម្មលក់លេខពិសេសផ្ទាល់ខ្លួន គិតចាប់ពីថ្ងៃទី០៧ ខែមករា រហូតដល់ខែធ្នូ ឆ្នាំ២០២០ លក់ផ្លាកលេខពិសេសផ្ទាល់ខ្លួនចំនួន ៣ ៧១៩ ផ្លាក និងប្រមូលចំណូលបានចំនួន ៨ លានដុល្លារអាមេរិក (សរុបចំណូលពីការលក់លេខពិសេសមានប្រមាណ ១៦លានដុល្លារអាមេរិក)៕