(ប៉ៃលិន)នៅរសៀលថ្ងៃសៅរ៍៍ទី៦ ខែកុម្ភៈ ឆ្នាំ២០២១ លោកជំទាវ បាន ស្រីមុំ អភិបាល នៃគណ:អភិបាលខេត្តប៉ៃលិន និងជាប្រធានគណ:កម្មាធិការសាខាកាកបាទក្រហមកម្ពុជាខេត្ត ដោយមានការអញ្ជើញចូលរួមពីឯកឧត្តម សៅ សារ៉ាត់ តំណាងរាស្ត្រមណ្ឌលខេត្តប៉ៃលិន បន្តដឹកនាំសមាជិក សមាជិកា គណៈ កម្មាធិការ សាខា មន្ត្រី រាជការ ជុំ វិញ ខេត្ត យុវជន ស.ស.យ.ក. ខេ ត្ដ យុវជនស្ម័គ្រចិត្ត និង អាជ្ញាធរ មូលដ្ឋាន ជួបសំណេះសំណាល សួរ សុខទុក្ខ និង នាំ យក អំណោយ មនុស្សធម៌ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ផ្តល់ជូនលោកឪពុក អ្នកម្តាយ បងប្អូនប្រជាពលរដ្ឋមានជីវភាពខ្វះខាតជួបវិបត្តិជំងឺកូវីដ-១៩ សរុបចំនួន ៩៩២គ្រួសារ ស្ថិតនៅក្នុងសង្កាត់ទាំង៤ នៃក្រុងប៉ៃលិន ខេត្តប៉ៃលិន ដើម្បីដោះស្រាយការលំបាកក្នុងជីវភាពរស់នៅប្រចាំថ្ងៃ។
លោកទំទាវអភិបាលខេត្តបានពាំនាំការសួរសុខទុក្ខពីសំណាក់សម្តេចអគ្គមហាសេនាតេជោ ហ៊ុន សែន និង សម្តេចគិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលជានិច្ចកាលសម្តេចទាំងទ្វេរតែងតែគិតគូរពីសុខទុក្ខនិង ជីវភាពបងប្អូនប្រជាពលរដ្ឋតាមតំបន់ព្រំដែនសម្តេចក៍បានផ្តល់អំណោយគ្រឿងឧបភោគបរិភោគជាហូរហែរតាមរយះអភិបាលខេត្តនិង តាមរយះ សាខាកាកបាទក្រហមកម្ពុជាខេត្តប៉ៃលិន ដូចជាពេលនេះសម្តេចអគ្គមហាសេនាតេជោ ហ៊ុន សែន និង សម្តេចគិត្តិព្រឹទ្ធបណ្ឌិតប៊ុន រ៉ានី ហ៊ុន សែន ក្នុងអំឡុងពេលជួបវិបត្ត កូវីដ-១៩នាពេលនេះ។
លោកជំទាវបន្តថា ទោះបីស្ថិតនៅក្នុងកាលៈទេសៈ លំបាកយ៉ាងណា ក៍សម្តេចទាំងទ្វេរ តែងតែគិតគូរ រួមសុខរួមទុក្ខ ដោះស្រាយពីបញ្ហាជីវភាពរស់នៅប្រចាំថ្ងៃរបស់ប្រជាពលរដ្ឋគ្រប់ទីកន្លែងទូទាំងប្រទេស សម្តេចមិនបណ្តោយអោយពុកម៉ែបងប្អូនប្រជាពលរដ្ឋណាម្នាក់ដាច់ស្បៀងអាហារដោយមិនបានជួយសង្គ្រោះឡើយ ។
ឆ្លៀតក្នុងឱកាសនោះលោកជំទាវអភិបាលខេត្ត បានបន្តអំពាវនាវដល់ពុកម៉ែបងប្អូនប្រជាពលរដ្ឋទាំងអស់ រួមគ្នាគោរពច្បាប់ចរាចរណ៍ពិសេសយើងរួមគ្នាលុបបំបាត់ការចរាចរ .ចែកចាយនិងសេព្វនូវសារធាតុញៀនឲ្យអស់ពីមូលដ្ឋានរបស់យើង (គឺភូមិឃុំគ្មានគ្រឿងញៀន)។
ម្យ៉ាងវិញទៀតយើងបន្តរស់នៅដោយប្រុងប្រយ័ត្ន កុំធ្វេសប្រហេស រស់នៅត្រូវមានអនាម័យ ពាក់ម៉ាស់ លាងដៃជាមួយសាប៊ូឲ្យបានញឹកញាប់ រក្សាគំលាត ដើម្បីចូលរួមប្រយុទ្ធប្រឆាំងការរីករាលដាលនៃជំងឺកូវីដ១៩។
អង្ករ ៤០គីឡូក្រាម មី ១កេស ត្រីខ ១យួ ទឹកស៊ីអ៊ីវ ១យួ ទឹកបរិសុទ្ធវីតាល់ ១កេស ឃីត ១កញ្ចប់ (ភួយ ១, មុង ១, កន្ទេល ១) និងថវិកាចំនួន ៣ម៉ឺនរៀល ដោយឡែកគ្រួសារពិការ ចំនួន ២៣នាក់ បានទទួលថវិកាឧបត្ថម្ភបន្ថែម ក្នុង១គ្រួសារៗចំនួន ៥ម៉ឺនរៀលពីឯកឧត្តម អ៊ី ឈាន ប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តប៉ៃលិន៕
