ភ្នំពេញ៖ ក្រោមការដឹកនាំរបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងដោយមានការចង្អុលបង្ហាញរបស់ ឯ.ឧ នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគបាលជាតិ ដល់កងកម្លាំងគ្រប់ជាន់ថ្នាក់មេត្តាយកចិត្តទុកដាក់ និងចុះជួបដោយផ្ទាល់ជាមួយបងប្អូនប្រជាពលរដ្ឋ ក៍ដូចជា កងកម្លាំង ដែលមានជីវភាពខ្វះខាត និងគ្មានផ្ទះសម្បែងស្នាក់នៅ នាព្រឹកថ្ងៃទីចន្ទ័ ទី២៥ ខែមករា ឆ្នាំ២០២១ លោក ឧត្តមសេនីទោ សំរិទ្ធ ណារ៉េត អនុប្រធាននាយកដ្ឋាន តំណាង ឯកឧត្តម ឧត្តមសេនីយ៍ឯក លៀង ភារម្យ ប្រធាននាយកដ្ឋានព្រំដែនគោក បានដឹកនាំក្រុមការងារចុះជួយសាសង់ផ្ទះថ្មី១ខ្នង ជូនលោកអនុសេនីយ៍ត្រី ម៉ាន់ សំអុន នាយរងផ្នែកគ្រប់គ្រង ប៉ុស្តិ៍ កម្ពុជា-ឡាវ។
លោកឧត្តមសេនីទោ សំរិទ្ធ ណារ៉េត អនុប្រធាននាយកដ្ឋាន បានមានប្រសាសន៍អោយដឹងថាដោយមានការណែរនាំពីសំណាក់ ឯកឧត្តម ឧត្តមសេនីយ៍ឯក លៀង ភារម្យ បានឃើញនូវជីវភាពខ្វះខាតរបស់ លោក អនុសេនីយ៍ត្រី ម៉ាន់ សំអុន នាយរងផ្នែកគ្រប់គ្រង ប៉ុស្តិ៍ កម្ពុជា-ឡាវ រួចមកនោះ ឯកឧត្តម ក៍បានចាត់តាំងក្រុមការងារ រៀបចំសាងសង់ផ្ទះថ្មី១ខ្នងធ្វើអំពីដែក មានទំហំ 5 x 10m កំពស់ 5m និងថវិការមួយចំនួន ដើម្បីជួយសម្រួលដល់ជីវភាពរស់នៅនិងមានផ្ទះសម្បែងសមរម្យ ដែលមានទីតាំងនៅ ភូមិស្ពានខ្ពស់ សង្កាត់គីឡូម៉ែត៦ ខណ្ឌប្ញស្សីកែវ រាជធានីភ្នំពេញ ដោយមានការចូលរួមអំពីសំណាកអាជ្ញាធរមូលដ្ឋានផងដែរ។
ជាមួយគ្នានេះដែរ នាយកដ្ឋាននគរបាលការពារព្រំដែនគោក មានតួរនាទីការពារអធិបតេយ្យភាពខណ្ឌដែនសីមា ចូលរួមការពារសន្តិសុខសណ្តាប់ធ្នាប់សាធារណៈ នៅតាមបន្ទាត់ព្រំដែន ជួយសង្គ្រោះប្រជាពលរដ្ឋដែលរងគ្រោះដោយគ្រោះមហន្តរាយ និងចូលរួមយ៉ាងសកម្មទប់ស្កាត់ និងបង្ក្រាបនូវ ឧក្រិដ្តកម្មឆ្លងដែននានានៅតាមបន្ទាត់ព្រំដែន សម្រេចបាននូវលទ្ធផលជោគជ័យគួរជាទីមោទនៈ។
