ព្រះសីហនុ:ផ្សារចំណីអាហារ ក្រុងទេសចរណ៍ ខេត្តព្រះសីហនុ នឹងលេចរូបរាង្គក្នុងពេល បន្ទាប់ពីកិច្ចពិភាក្សាពិគ្រោះយោបល់ ជាមួយស្ថាប៍នពាក់ព័ន្ឋ ដោយមានការដឹកនាំកិច្ចប្រជុំដោយ ឯកឧត្តម គួច ចំរើន អភិបាលខេត្តពរះសីហនុ នេះបើយោងតាមការបញ្ជាក់ពីលោក ឃាង ភារម្យ អ្នកនាំពាក្យរដ្ឋបាលខេត្តព្រះសីហនុ។
ជុំវិញកិច្ចប្រជុំនេះផងដែរ លោក ឃាង ភារម្យបានអោយដឹងថានារសៀលថ្ងៃពុធ ទី២០ ខែមករា ឆ្នាំ២០២១ ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ បានដឹកនាំកិច្ច ប្រជុំពិភាក្សាកំណត់ទីតាំងវិថីលក់ម្ហូប អាហារនៅខេត្តព្រះសីហនុ ដោយមានការចូលរួមលោកនាយករដ្ឋបាលសាលា ខេត្ត ប្រធានមន្ទីរ អង្គភាពពាក់ព័ន្ធ អាជ្ញាធរសង្កាត់ ។
កិច្ចប្រជុំបានឯកភាពជ្រើសរើសយកទីតាំងសួនច្បារមហោស្របចាស់ ដើម្បីសិក្សារៀបចំជាវិថីម្ហូបអាហារ (Street Food) ដែលមានទីតាំងស្ថិតនៅសង្កាត់លេខ២ ក្រុងព្រះសីហនុ ខេត្តព្រះសីហនុ ដោយប្រគល់ជូនមន្ទីរ រៀបចំដែនដីនគរូបនីយកម្មសំណង់ និងសូរិយោដី សិក្សាទីតាំងនេះលំអិតដោយមានរៀបចំខ្លោងទ្វារចូលចំនួន២ រៀបចំបន្ទប់ទឹក ទីតាំងចំណត យានយន្ត កន្លែងហូបអាហាររួមគ្នាជាដើម។ អ្នកដែលអនុញ្ញាតអោយលក់នៅតូបលក់ម្ហូបអាហារនេះ តម្រូវអោយអនុវត្តតាមស្តង់ដារសេវាកម្មវិថីលក់ម្ហូបអាហារនិងប្រពន្ធ័ចំណាត់ថ្នាក់សេវាកម្មតូបលក់ម្ហូបអាហារ Street Food ដែលកំណត់ដោយក្រសួងទេសចរណ៍ដើម្បីធានាបាននូវគុណភាពសេវាទេសចរណ៍ អាហារមាន គុណភាព សុវត្ថិភាព និងតម្លៃសមរម្យអាចទទួលយកបាន។ ចំពោះអ្នកមិនអាចអនុវត្តតាមលក្ខខណ្ឌដែលបានតម្រូវនឹងពិនិត្យវាយលម្លៃណែនាំ ហើយបើនៅតែមិនគោរពតាមអាចនឹងបញ្ឈប់លែងអោយលក់។
ឯកឧត្តម គួច ចំរើន អភិបាលខេត្តព្រះសីហនុ មានប្រសាសន៍ថា តាមរយៈការរៀបចំសេវាកម្ម ស្តង់ដារ Street Food នេះនឹងជាផ្នែកមួយថ្មីទៀតដែលអាចទាក់ ទាញភ្ញៀវទេសចរនិងប្រជាជននៅក្រុងព្រះសីហនុ អាចមានកន្លែងទទួលទានអាហារដែលមានគុណភាពនិងសុវត្ថិកភាព។
