ជប៉ុន៖ ព្យុះទឹកកកដ៏ធំមួយ បានវាយប្រហារផ្លូវហាយវេ នៅភាគខាងជើងប្រទេសជប៉ុន បណ្តាលឱ្យរថយន្ត ១៣០គ្រឿងបុកបន្តកន្ទុយគ្នា។ នេះបើតាមសារព័ត៌មាន BBC។
ព្យុះនេះបានបក់បោកលើផ្លូវ Tohoku Expressway ស្ថិតក្នុងខេត្ត Miyagi នៅវេលាថ្ងៃត្រង់ កាលពីនៅថ្ងៃទី១៩ ខែមករា ម្សិលមិញ។
មនុស្សប្រហែល ២០០ នាក់ត្រូវបានជាប់គាំងនៅក្នុងគំនរព្រិលទឹកកក ខណៈអ្នកជួយសង្គ្រោះ កំពុងដុតដៃដុតជើង នៅកន្លែងកើតហេតុ។ ប្រទេសជប៉ុនបានទទួលរងការវាយប្រហារដោយព្យុះព្រិលយ៉ាងខ្លាំងនៅក្នុងប៉ុន្មានសប្តាហ៍ថ្មីៗនេះដោយផ្នែកខ្លះនៃប្រទេសនេះមើលឃើញការធ្លាក់ព្រិលច្រើនទ្វេដងលើសពីធម្មតា៕