ខេត្តបាត់ដំបង ៖ នៅព្រឹកថ្ងៃទី១៩ ខែមករា ឆ្នាំ២០២១នេះ"ក្រុមអ្នកម្តាយមនុស្សធម៌" ដែលដឹកនាំដោយលោកជំទាវ ញ៉ែម សាខន ស ខេង និងលោកជំទាវ ម៉ាឡៃ កែ គឹមយ៉ាន បានចុះសំណេះសំណាលនិងនាំយកអំណោយចែកជូនដល់សិស្សពិការភ្នែកនិងសិស្សគថ្លង់សរុបចំនួន ៨៥នាក់ នៅក្នុងវិទ្យាល័យអប់រំពិសេសបាត់ដំបង ស្ថិតក្នុងក្រុងបាត់ដំបង ។
ក្នុងឱកាសនោះដែរ ឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា តំណាងអោយក្រុមអ្នកម្តាយមនុស្សធម៌ បានមានប្រសាសន៍លើកឡើងថា បើសិនជាប្អូនៗនៅទីនេះពេញចិត្តចង់រៀនបន្តនៅសកលវិទ្យាល័យ ឯកឧត្តមនិងក្រុមការងារនិងផ្តល់អាហាររូបករណ៍100%ជូនដល់ប្អូនៗពិការ គថ្លង់ សម្រាប់រៀនបន្តនៅសកលវិទ្យាល័យជាតិបាត់ដំបង បើទោះបីជាប្អូនៗមួយចំនួនមិនគ្រប់លក្ខណ:ដូចគេក្តី ប៉ុន្តែក្រុមពូមីង យាយតា នៅទីនេះមិនដែលភ្លេចប្អូនៗដែលខ្វះខាតក៏ដូចជា
ពិការ គថ្លង់នេះទេ លោកនិងតាមផ្តល់ភាពកក់ក្តៅនិងអោយចាត់ទុកពួកគាត់ដូចជាម៉ែទីពីរផងដែរ។
បន្ថែមពីនេះឯកឧត្តមក៏បានសំណូមពរទៅដល់លោកគ្រូ អ្នកគ្រូ និងប្អូនៗសិស្សានុសិស្សទាំងអស់ត្រូវបន្តចូលរួមអនុវត្តតាមការណែនាំរបស់ក្រសួងសុខាភិបាល ដោយសម្អាតអនាម័យអោយបានជាចាំ ពិសេសមុនពេលហូបនិងក្រោយហូបត្រូវលាងដៃអោយបានញឹកញាប់ ហើយពេលចេញទៅណាមកណាត្រូវពាក់ម៉ាស់អោយបានជាប់ជាប្រចាំ។
ចំពោះអំណោយដែលក្រុមអ្នកម្តាយមនុស្សធម៌បានផ្តល់ជូននាពេលនេះមាន! -អង្ករចំនួន ២តោន -ថវិកា ចំនួន ៦១០០ ០០០រៀល -ត្រីខកំប៉ុង ចំនួន ០៥កេសធំ ស្មើនឹង ៥០០យួរ -ទឹកត្រី ទឹកស៊ីអ៊ីវ ចំនួន ១០យួរ និងសម្ភារៈក្មេងលេងមួយចំនួនធំ ព្រមទាំងបានរៀបចំអាហារសាមគ្គី ជូនដល់សិស្សានុសិស្សពិការភ្នែក និងគថ្លង់ ក្នុងវិទ្យាល័យអប់រំពិសេស បាត់ដំបង ដើម្បីចូលរួមសម្រាលបន្ទុកប្រចាំថ្ងៃផងដែរ។
