តារាប្រុស លោក Kan Kantathavorn ព្រមទាំងភរិយាបណ្ដូលចិត្ត ដែលតែងតែបានចេញមកចែករំលែកពីសកម្មភាពប្រចាំថ្ងៃ ខណៈដែលពេលនេះ ភរិយាដ៏ស្រស់សោភារបស់លោកម្នាក់នេះ កំពុងតែមានផ្ទៃពោះ ថែមទៀតផង។
លោក Kan Kantathavorn ក៏បានធ្វើរឿងមួយសម្រាប់ ភរិយារបស់ខ្លួន ដោយបានរៀបចំកាដូយ៉ាងពិសេស ដើម្បីផ្គាប់ចិត្ត ព្រមទាំងបានរៀបចំការភ្ញាក់ផ្អើលដ៏ធំមួយ ដោយនៅក្នុងកាដូនោះ គឺជា រថយន្តប្រណីត ម៉ាក Tesla Model X ដែលមានតម្លៃជាង ៦ លានបាត ។
ភរិយារបស់លោក ពិតជាមានសេចក្ដីរំភើបយ៉ាងខ្លាំង បន្ទាប់ពីបានបើកប្រអប់ដ៏ធំមួយ ដែលត្រូវបានគេ រៀបចំដាក់នៅកណ្តាលបន្ទប់តាំង និងបានឃើញ រថយន្តថ្មីស្រឡាន ដែលជាកាដូយ៉ាងពិសេសមួយ ដើម្បីទទួលស្វាគមន៍ កូនក្នុងផ្ទៃ ដែលជិតនឹង បើកភ្នែក មើលឃើញពិភពលោកខាងក្រៅ ក្នុងពេលឆាប់ៗខាងមុខនេះ៕
