ខេត្តបាត់ដំបង! ក្រោយផ្ទុះការរឹះគន់ផ្សព្វផ្សាយតាមបណ្ដាញសង្គមព័ត៌មានក្នុងស្រុកពាក់ព័ន្ធទៅនឹងគ្រឿងចក្រពណ៌សដែលមានបិទឡូហ្គោ cmac ដាក់កាយទន្ទ្រានយកអាចម៌ដីភ្នំឈូងស្វាយ គ្មានអាជ្ញាធរចបង្ក្រាប ស្ថិតក្នុងភូមិតាង៉ែន ឃុំតាគ្រាម ស្រុកបាណន់ កាលពីពេលថ្មីៗកន្លង ទៅនេះ កាលពីល្ងាចថ្ងៃទី៣១ ខែធ្នូ ឆ្នាំ២០២០ម្សិលមិញ ប្រធានគម្រោងអភិវឌ្ឍសហគមន៍ក្រោយបោសសំអាតមីន និងគ្រាប់មិនទាន់ផ្ទុះរបស់ស៊ីម៉ាក់ លោក ទិត សុផល បានធ្វើការឆ្លើយតបដោយជួសមុខអោយថ្នាក់ដឹកនាំរបស់ស៊ីម៉ាក់ ដោយមានការអនុញ្ញាតផ្ទាល់ពីឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកស៊ីម៉ាក់ បានអនុញ្ញាតអោយលោកនិងក្រុមការងារទាំងអស់មកបំភ្លឺនិងផ្សាយជូនអោយប្រជាពលរដ្ឋ ក៏ដូចជាមហាជនដទៃអោយបានដឹងដូចខាងក្រោម។
អង្គភាពស៊ីម៉ាក់បានដាក់ចេញនូវគោលការណ៍ដែលបានអនុញ្ញាតពីឯកឧត្តមផងនោះគឺ ស៊ីម៉ាក់ យើងមានសម្តេចនាយករដ្ឋមន្ត្រី ហ៊ុន សែន គឺជាប្រធានហើយបានផ្ទេរសិទ្ធិអោយឯកឧត្តម ភិន សោភ័ណ ជាប្រធានក្រុមព្រឹក្សាភិបាល និងឯកឧត្ដម ហេង រតនា គឺជាអគ្គនាយកស៊ីម៉ាក់ ហើយក្នុងនោះដែរស៊ីម៉ាក់មានគោលការណ៍ដោះមីនជាអង្គការរមនុស្សធម៌ដែលមានគោលដៅស្នូលធំចំនួន៤ និង៥បន្ត គឺទី១ការងារហ្វឹកហ្វឺនបចេ្ចកទេសបោសសំអាតមីន ទី២ការងារផ្សព្វផ្សាយយល់ដឹងអំពីមីន និងគ្រាប់មិនទាន់ផ្ទុះ និងទី៣ការស្រាវជ្រាវព័ត៌មាននិងដាក់ស្លាកសញ្ញាចំការមីន ទី៤ការបោសសំអាតមីននិងគ្រាប់ យុទ្ធភណ្ឌមិនទាន់ផ្ទុះ និងទី៥ផ្សំនិងការងារ អភិវឌ្ឍសហគមន៍ក្រោយបោសសំអាតមីន និងជួយសង្គ្រោះជនពិការដោយសារមីន។
លោកបន្តថា នៅក្នុងគោលការណ៍ទី៥នេះគឺមានផ្នែកពាក់ព័ន្ធការសាងសង់ហេដ្ឋារចនាសម្ព័ន្ធដែលក្រោមការដឹកនាំរបស់ឯកឧត្តមអគ្គនាយក បានគៀងគរថវិកាពីម្ចាស់ជំនួយមួយចំនួនដើម្បីធ្វើការអភិវឌ្ឍទៅលើភូមិសាស្ត្រដែលបានបោសសំអាតមីនរួច ក្នុងគម្រោងបោសសំអាតមីនរបស់ជប៉ុន ក្នុងនោះដែរក៏យើងបានឆ្លើយតបទៅនឹងសំណើរតាមសហគមន៍នានា ដូចជានៅក្នុងខេត្តបាត់ដំបងយើងបានអនុវត្តតាំងពីឆ្នាំ ២០១០ រហូតដល់ឆ្នាំ២០១៩បានបញ្ចប់ ដោយឡែកនៅឆ្នាំ២០២០នេះយើងបានបន្តគម្រោងនេះដដែល និងឈានដល់ការអភិវឌ្ឍនៅខេត្តប៉ៃលិន និងខេត្តពោធិ៍សាត់ផងដែរនៅឆ្នាំ២០២១ខាងមុខនេះ។
លោកបានបញ្ជាក់បន្ថែមថា ចំពោះការចុះផ្សាយតាមសារព័ត៌មានកន្លងមកថាខាងអាជ្ញាធរមិនបានដឹងលឺនោះ គឺទីមួយយើងមានការស្នើសុំពីសហគមន៍នៅទីនេះ និងមេឃុំ ដែលបានធ្វើលិខិតស្នើសុំមកខាងលោកដើម្បីជួយធ្វើផ្លូវដែលពាក់ព័ន្ធនិងទឹកជំនន់ចំនួន២ខ្សែ ដែលមានប្រវែង ៤គីឡូម៉ែត្រហើយក្នុងការស្នើសុំនេះ ដែលមានការស្នើសុំតាមបែបបទតាមរយះភូមិដែលមានឯកសារនេះ ហើយលោកក៏បានយកលិខិតនេះបញ្ជូនទៅថ្នាក់ដឹកនាំស៊ីម៉ាក់ដើម្បីសុំការឯកភាពធ្វើការជួសជុលស្តាផ្លូវទឹកជំនន់ដែលប្រជាពលរដ្ឋនៅក្នុងសហគមន៍នេះគាត់ជួបការលំបាការដឹកជញ្ជូនកសិផលចេញ និងឈានដល់ការធ្វើស្រែបន្តមួយឆ្នាំ២ដងឬក៏៣ដងរបស់ពួកគាត់។ហើយនៅក្នុងការស្តានូវទឹកជំនន់នេះ គឺយើងស្ថិតនៅក្នុងផែនការរបស់ថ្នាក់ខេត្តមួយ ហើយក៏ជាផែនការរបស់សហគមន៍ដែលបានស្នើសុំ ដោយចំណាយថវិការបស់អង្គភាពស៊ីម៉ាក់ផ្ទាល់ គឺមិនទាក់ទងទៅនឹងគម្រោងណាមួយនោះទេ។
