«មានមនុស្សប្រមាណ១០០០នាក់ទូទាំងប្រទេសបានទៅទិញទំនិញ ក្នុងផ្សារ ប៉ុន្តែកុំស្លន់ស្លោ គ្រប់គ្នាដែលបានទៅទីនោះ គួរតែធ្វើតេស្តរកជំងឺវីរុសកូវីដ១៩» នេះគឺជាការលើកឡើងរបស់អ្នកនាំពាក្យរដ្ឋបាលគ្រប់គ្រងជំងឺកូវីដ១៩នៃប្រទេសថៃ កាលពីម្សិលមិញ។
ផ្សារលក់អាហារសមុទ្រស្ថិតក្នុងខេត្តសាមុត សាខនមួយនេះហើយដែលស្ត្រីអ្នកលក់បង្គារម្នាក់បានឆ្លងហើយបន្តឆ្លងក្នុងទ្រង់ទ្រាយធំឡើងវិញ ក្នុងប្រទេសថៃ ដោយអាជ្ញាធរថា អ្នកទិញទំនិញមកពី២២ខេត្ត ចាប់ពីថ្ងៃទី១ ធ្នូ ដល់ ១៨ ធ្នូ គួរតែត្រូវបានធ្វើតេស្តទាំងអស់គ្នា។
កាលពីថ្ងៃទី២២ ធ្នូ ម្សិលមិញ ករណីសហគមន៍ទ្រង់ទ្រាយដ៏ធំនេះ បានរកឃើញអ្នកឆ្លងជំងឺកូវីដ១៩ ចំនួន៤២៧នាក់ទៀត ក្នុងនោះ រួមមានទាំងជនអន្តោប្រវេសន៍៣៩៧នាក់។ ថៃមានអ្នកកើតកូវីដ១៩សរុបចំនួនប្រមាណ៤៣០០នាក់ ស្លាប់៦០នាក់ គិតត្រឹមម្សិលមិញ៕ ប្រភពពី CNA