តារាស្រី Vicki Sunisa និង ស្វាមី ខណៈពេលដែល អ្នកទាំងពីរបានត្រៀមខ្លួនរួចជាស្រេច ដើម្បីទទួលសមាជិកថ្មី ដែលកូនទី ២ របស់នាង និងស្វាមី ក្នុងពេលប៉ុន្មានសប្ដាហ៍ខាងមុខនេះ ។
ជាពិសេសនោះគឺ ដើម្បីទទួលសមាជិកថ្មីយ៉ាងកក់ក្ដៅនេះ Vicki និង ស្វាមី ក៏បាន រៀបចំកម្មវិធីជប់លៀង យ៉ាងអធិកអធមដោយមានការចូលរួមពីមិត្តៗជាច្រើន ព្រមទាំងបានបង្ហាញពីស្នាមញញឹម និងការរៀបចំខ្លួនយ៉ាងស្រស់សោភា បើទោះបីជា នាងកំពុងតែមានផ្ទៃពោះជិតសម្រាលក៏ដោយ។
មិនត្រឹមតែមានការចូលរួមពីមិត្តៗទាំងក្នុងនិងក្រៅសិល្បៈ ជួយឲ្យកម្មវិធីទាំងមូលមានភាពសប្បាយរីករាយនោះទេ ប៉ុន្តែពួកគេ ថែមទាំងបានមកអបអរសាទរ ក៏ដូចជា បានផ្ដល់ជាកាដូដើម្បីស្វាគមន៍យ៉ាងកក់ក្តៅ ទៅដល់សមាជិកថ្មី នៅក្នុងក្រុមគ្រួសាររបស់ Vicki ផងដែរ៕
