ថៃ៖ ប្រទេសថៃ បានដាក់ចេញវិធានការបន្ទាន់ក្នុងការស្វែងរកមនុស្សជាង២០០នាក់ នៅតំបន់ភាគខាងជើងប្រទេស ឱ្យមកធ្វើតេស្តរកកូវីដ-១៩ ក្រោយរកឃើញថា បានប៉ះពាល់ជាមួយមនុស្ស៣នាក់ដែលបានរត់គេចពីកន្លែងចត្តាឡីស័ក្ក នៅប្រទេសមីយ៉ាន់ម៉ា ទាំងវិជ្ជមានកូវីដ១៩។ នេះបើយោងតាមការចុះផ្សាយរបស់ CNA នៅថ្ងៃទី៣០ ខែវិច្ឆិកា ឆ្នាំ២០២០។
អភិបាលខេត្ត Chiang Rai លោក Prachon Pratsakul បានថ្លែងប្រាប់អ្នកសារព័ត៌មានថា មានជនជាតិថៃ៣នាក់ បានគេចពីការធ្វើចត្តាឡីស័ក្ត និងលួចឆ្លងដែនខុសច្បាប់ពីប្រទេសមីយ៉ាន់ម៉ា ចូលមកប្រទេសថៃ ទាំងលទ្ឋផលវិជ្ជមានកូវីដ-១៩។ ជនជាតិថៃទាំង៣នាក់ ជាស្ត្រី បានគេចពីប៉ុស្តិ៍ត្រួតពិនិត្យអន្តោប្រវេសន៍ ដោយមិនបានធ្វើចត្តាឡីស័ក នោះទេ។
លោកបញ្ជាក់ថា មានមនុស្សយ៉ាងហោច៣៥៦នាក់ នៅក្នុងខេត្ត Chiang Rai និងខេត្ត Chiang Mai អាចនឹងប៉ះពាល់ស្ត្រីទាំង៣នាក់ខាងលើ៕