ខេត្តបាត់ដំបង! ជនសង្ស័យចំនួន០២នាក់ត្រូវបានកម្លាំងក្រុមអន្តរាគមន៍ បង្ការ បង្ក្រាបសហការជាមួយកម្លាំងអធិការដ្ឋាននគរបាលក្រុងបាត់ដំបង និងស្រុកថ្មគោល ចុះអនុវត្តន៍ចាប់ឃាត់ខ្លួនជាបន្តបន្ទាប់ តាមដីកាបង្គាប់ឲ្យនាំខ្លួន របស់លោក ចាប តុលា ចៅក្រមស៊េីបសួរសាលាដំបូងខេត្តបាត់ដំបង ដោយចោទពីបទលួចមានស្ថានទម្ងន់ទោស។
លោកវរសេនីយ៍ឯក ឈឿង គឹមសុង ប្រធានការិយាល័យនគរបាលព្រហ្មទណ្ឌកម្រិតស្រាលនៃស្នងការខេត្តបាត់ដំបងបានអោយដឹងថា ជាមួយកិច្ចប្រតិបត្តិការនេះដែរ ជំហានទីមួយធ្វើឡើងនៅវេលាម៉ោង ១២និង៣៥នាទី ថ្ងៃទី២៥ ខែ វិច្ឆិកា ឆ្នាំ ២០២០ នៅចំណុចភូមិតាសី ឃុំតាម៉ឺន ស្រុកថ្មគោល ខេត្តបាត់ដំបង ដោយបានធ្វេីការឃាត់ខ្លួនជនសង្ស័យចំនួន០១ នាក់ ឈ្មោះ ទិត្យ រ៉ូហ្សែត ហៅ ហ្សិត ភេទប្រុស អាយុ២៣ឆ្នាំ មានទីលំនៅភូមិព្រែកក្រូច ឃុំព្រែកនរិន្ទ ស្រុកឯកភ្នំ ខេត្តបាត់ដំបង ។
ជំហានទីពីរ ធ្វើឡើងនៅវេលាម៉ោង ១៣និង៤៦នាទី ថ្ងៃទី២៥ ខែវិច្ឆិកា ឆ្នាំ២០២០ដដែល ដោយបានឃាត់ខ្លួនជនសង្ស័យ ចំនួន០១នាក់ទៀតឈ្មោះ ទោម សម្បត្តិ ហៅ ឆាយ ភេទប្រុស អាយុ៣០ឆ្នាំ មានទីលំនៅភូមិរំចេក២ សង្កាត់រតនៈ ក្រក្រុងបាត់ដំបង ។
ជនសង្ស័យទាំងពីរនាក់ខាងលើត្រូវបានចាប់ខ្លួនអនុវត្តន៍តាមដីកាបង្គាប់ឲ្យនាំខ្លួន របស់លោក ចាប តុលា ចៅក្រមស៊េីបសួរសាលាដំបូងខេត្តបាត់ដំបង ដោយចោទពីបទលួចមានស្ថានទម្ងន់ទោសដោយសារការប្រព្រឹត្តអំពើហិង្សានៅចំណុចខារ៉ាអូខេយីហោ ត្រចៀកកាំ ស្ថិតក្នុងភូមិរំចេក៣ សង្កាត់រតនៈ ក្រុងបាត់ដំបង កាលពីថ្ងៃទី២៧ ខែតុលា ឆ្នាំ២០២០ តាមបញ្ញត្តិមាត្រា ៣៥៧ នៃក្រមព្រហ្មទណ្ឌ។
ជនសង្ស័យក្រោយពីការឃាត់ខ្លួនត្រូវបានមន្ត្រីការិយាល័យជំនាញកំពុងតែធ្វេីការកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធីច្បាប់។