ភ្នំពេញ៖ ក្រសួងធនធានទឹក និងឧតុនិយម បានចេញជូនដំណឹងនៅថ្ងៃទី២៥ ខែវិច្ឆិកានេះថា ក្នុងរដូវរំហើយខាងមុខនេះ (ខែធ្នូ ២០២០-ខែមករា ២០២១) ស្ថានភាពអាកាសធាតុនៅកម្ពុជា នឹងចុះត្រជាក់ជាងឆ្នាំកន្លងទៅ។
ក្រសួងបានបញ្ជាក់ថា បណ្តាខេត្តជាប់ជួរភ្នំដងរែក និងខ្ពង់រាបឦសាន នឹងមានសីតុណ្ហភាពអប្បបរមាពី១៨ ទៅ ២១អង្សារសេ។ រាជធានីភ្នំពេញ និងខេត្តដទៃទៀត នឹងមានសីតុណ្ហភាពអប្បបរមាពី ១៩ ទៅ ២២អង្សារសេ។
ចំណែកបណ្តាខេត្តនៅភាគខាងលើ ក្នុងភូមិសាស្ត្រជាប់តំបន់ភ្នំ និងតំបន់ខ្ពង់រាបភាគឦសាន អាចធ្លាក់ចុះដល់១៦ ទៅ ១៩អង្សារសេ និងបណ្តាខេត្តដទៃទៀត សីតុណ្ហភាពអប្បបរមា នៅក្នុងរង្វង់ពី១៨ ទៅ២១អង្សារសេ៕
