តារាសម្តែងភាពយន្តបែបប្រយុទ្ធ វាយតប់ប្រចាំប្រទេសថៃ លោក Tony Jaa បានបង្ហាញរូបភាពនៅក្នុងបណ្តាញសង្គម Instagram ជាមួយតារាសម្តែងជើងចាស់ Jet Li ហៅក្រៅ លី លានជា ធ្វើឲ្យមានការចាប់អារម្មណ៍ខ្លាំងពីសំណាក់មហាជនផងដែរ។ តួសម្តែង កែង ឆេះ ជង្គង់ហោះ បានបង្ហោះរូបភាពក្នុង Instagram ជាមួយនឹង លី លានជា ដែលបង្ហាញពីស្នាមញញឺម យ៉ាងស្រស់ស្រាយនិង សប្បាយរីករាយខ្លាំងផងដែរ អមជាមួយនឹងពាក្យខ្លីៗយ៉ាងដូច្នេះថា៖ ញញឹមជាមួយនឹង បងប្រុសរបស់ខ្ញុំ (Jet li)
មហាជនកំពុងតែសង្ស័យថាតារាទាំងពីរដួងនេះអាចនឹង សហការជាមួយគ្នាថតភាពយន្តថ្មីជាក់ជាមិនខាន ដោយសាររូបមួយសន្លឹកនេះ អាចនឹងជាតម្រុយដែល Tony Jaa
ទម្លាក់ឲ្យអ្នកគាំទ្រឆ្ងល់ជាក់ជាមិនខាន ថាតើពួកគេទាំងនេះកំពុងមានអ្វីស៊ុបប្រាយហ្វេនៗផងដែរ។ចំពោះរឿងមួយនេះនៅតែជាមន្ទិលសង្ស័ុយដដែល ដោយមានតែរង់ចាំមើលតាមភាពជាក់ស្តែងតទៅទៀតផងដែរ៕