រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទបានអោយដឹងថា កាលពីថ្ងៃទី៨ ខែវិច្ឆិកា ឆ្នាំ២០២០ កសិករចំនួន ១០ ៥០០ គ្រួសារដែលរងគ្រោះដោយជំនន់ទឹកភ្កៀង ទទួលបានគ្រាប់ពូជស្រូវចំនួន ១ ០៥០ តោន និងគ្រឿងឧបភោគបរិភោគ ស្បៀងអាហារ ក្រោមអធិបតីដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ។
រហូតមកដល់ថ្ងៃ១៧ ខែវិឆ្ឆិកា ឆ្នាំ២០២០ លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង បានចុះពិនិត្យសកម្មរបស់កសិករ និងលទ្ធផលក្នុងការស្តារឡើងវិញការដាំដុះនៅតាមបណ្តាស្រុក ក្រុងទាំង៨ ដែលមកទល់ពេលនេះសម្រេចបានដូចខាងក្រោម៖
១- ការងារភ្ជួររាស់សម្រេចបានចំនួន៣ ៣៥៩ ហ.ត
២- ការងារដាំដុះសម្រេចបានចំនួន ៣ ៣៥៩ ហ.ត ស្មើនឹង៣១,៩៩% នៃផែនការចំនួន ១០ ៥០០ ហ.ត ក្នុងនោះមានក្រុង ស្រុក ចំនួន៨ ដែលក្នុងនេះរួមមាន៖
១-ស្រុកបាណន់ ផ្ទៃដី ៥៥ហិកតា
២-ស្រុកថ្មគោល ផ្ទៃដី ១ ០៨៥ហិកតា
៣-ក្រុងបាត់ដំបង ផ្ទៃដី ១២ហិកតា
៤-ស្រុកបវេល ផ្ទៃដី ១ ០៨៦ហិកតា
៥-ស្រុកឯកភ្នំ ផ្ទៃដី ៧៩៥ហិកតា
៦-ស្រុកមោងឬស្សី ផ្ទៃដី ៤៥ហិកតា
៧-ស្រុកសង្កែ ផ្ទៃដី ២១៥ហិកតា
៨-ស្រុកគាស់ក្រឡ ផ្ទៃដី ៦៦ហិកតា ។
សូមបញ្ជាក់ផងដែរថាមានស្រុកចំនួន២គីស្រុករុក្ខគីរី និងស្រុករតនមណ្ឌល មិនអាចធ្វើការស្តារស្រូវឡើងវិញបានដោយពុំមានទឹកគ្រប់គ្រាន់ និងស្រុកមួយចំនួនទៀតមិនទាន់បានស្តារគ្រប់តាមផែនការដោយសារទឹកនៅក្នុងស្រែមានចំនួនច្រើន ៕