ប៉ៃលិន៖ ថ្លែងនៅព្រឹកថ្ងៃទី១៧ ខែវិច្ឆិកា ឆ្នាំ២០២០ នេះ នៅមុខសាលាខេត្តប៉ៃលិន ក្នុងពិធីសំណេះសំណាល និងចែកគ្រឿងឧបភោគបរិភោគដល់ជនរងគ្រោះថ្នាក់ដោយសារមីន ចំនួន៥០០នាក់ ឯកឧត្តម លី ធុជ ទេសរដ្ឋមន្ត្រី និងជាអនុប្រធានទី១អាជ្ញាធរមីន បានសង្កត់ធ្ងន់ថា ជនពិការមិនមានន័យថាអសមត្ថភាពនោះទេ ផ្ទុយទៅវិញអ្នកពិការសុទ្ធជាអ្នកមានស្មាដៃជា វីរជនជាអ្នកការពារទឹកដីប្តូសាច់ប្តូរឈាម និងបូជាជីវិតដើម្បីជាតិ និងប្រជាជនយើង។ ម្យ៉ាងទៀតបច្ចុប្បអ្នកពិការគាត់ក៏ជាជីតាល្អឪពុកល្អជាបងជាប្អូនល្អ ឬជាកូនល្អ និងជាជីដូនជាម្តាយជាប្រពន្ធ និងជាកូនល្អ ផងដែរ។
ឯកឧត្ដមទេសរដ្ឋមន្ត្រីបានបន្តថា ជនពិការនៅខេត្តប៉ៃលិននេះ សុទ្ធតែជាអ្នកចូលរួមចំណែកអនុវត្តន៍ គោលនយោបានឈ្នះឈ្នះរបស់សម្តេចតេជោ ដើម្បីនាំមកនូវសុខសន្តិភាពពេញបរិបូរណ៍រហូតដល់សព្វថ្ងៃនេះ នេះសរបញ្ជាក់ឲ្យឃើញថា ជនពិការទាំងអស់មានគុណបំណាច់ចំពោះជាតិធំធេងណាស់ដែលពួកយើងទាំងអស់គ្នាមិនអាចបំភ្លេចគូណណូបការនេះបានទេ។
ជាមួយគ្នា ឯកឧត្តម ផាន់ ចាន់ធុល អភិបាលខេត្តប៉ៃលិន បានមានប្រសាសន៍ថា ក្នុងនាមរដ្ឋាភិបាលខេត្ត សូមស្វាគមន៍ទេសរដ្ឋមន្ដ្រីអនុប្រធានទី១ អាជ្ញាធរមីន ដែលបានលះបង់ពេលវេលា ចុះមកសួរសុខទុក្ខ និងយកនូវគ្រឿងឧបភោគបរិភោគមួយចំនួនមកចែកជូនដល់ជនរងគ្រោះដោយសារមីនក្នុងខេត្តប៉ៃលិន។
អភិបាលខេត្តក៏បានផ្តាំផ្ញើដល់ពុកម៉ែបងប្អូនដែលជាជនពិការទាំងអស់កុំអស់សង្ឃឹម ប្រមុខរដ្ឋាភិបាលមិនទុកពុកម៉ែបងប្អូនចោលទេគឺជានិច្ចកាលសម្តេចតែងតែនឹករលឹក និងសួរសុខទុក្ខតាមរយះថ្នាក់ដឹកនាំក្រោមជាតិដូចជាពេលនេះ។ ម្យ៉ាងទៀតសូមបងប្អូនថែរក្សាសុខភាព និងស្តាប់ការណែនាំពីក្រសួងសុខាភិបាលដើម្បីជៀសផុត ពីជម្ងឺ កូវីដ១៩។
សូមបញ្ជាក់ថា អំណោយជាគ្រឿងឧបភោគបរិភោគដែលចែកជូនពលរដ្ឋជាជនពិការដោយសារមីន ចំនួន៥០០គ្រួសារ ជាអំណោយរបស់អាជ្ញាធរមីន រួមមាន៖
១. អង្ករ ២០គីឡូក្រាម
២. ទឹកត្រី ១យួរ
៣.ទឹកស៊ីអ៊ីវ ១យួរ
៤. មីម៉ាម៉ា ១កេះ
៥. ត្រីខ ៥កំប៉ុង
៦.សាប៊ូ៤ដុំ
៧.ថវិការចំនួន ២០,០០០រៀល ផងដែរ៕