ក្រុងញូវដែលី៖ ប្រជាជនជាច្រើននាក់ បានប្រមូលផ្តុំគ្នាទិញឥវ៉ាន់ នៅផ្សារញូវដេលី មុនថ្ងៃឈប់សម្រាកដ៏ធំមួយរបស់ប្រទេសឥណ្ឌា Diwali ខណៈអាជ្ញាធរបានបង្ហាញនូវក្តីព្រួយបារម្ភ ពីការឆ្លងធ្ងន់ធ្ងរនូវមេរោគកូវីដ១៩។ នេះបើតាមសារព័ត៌មាន CNA ចេញផ្សាយនៅថ្ងៃទី១៣ ខែវិច្ឆិកា ឆ្នាំ២០២០ នេះ។
គួរបញ្ជាក់ថា ប្រទេសឥណ្ឌា មានអ្នកឆ្លងជំងឺកូវីដ១៩ ជិត ៨.៧លាននាក់ ស្ថិតក្នុងលំដាប់ទី២ នៅលើពិភពលោក បន្ទាប់ពីសហរដ្ឋអាមេរិក។ អាជ្ញាធរឥណ្ឌាក៏បានបង្ហាញភាពភ័យខ្លាចពីការផ្ទុះឡើងនូវជំងឺកូវីដ១៩ ក្រោយថ្ងៃបុណ្យ Diwali ដែលអាចនឹងវាយប្រហារទីក្រុងធំៗ ទូទាំងប្រទេស។
ដោយឡែក នាពេលថ្មីៗនេះ ក្រសួងសុខាភិបាលឥណ្ឌា ក៏បានកត់ត្រានូវជំងឺអេដស៍ប្រភេទថ្មី ដែលបានកើតឡើងចំនួន ៨.៦០០ករណី កាលពីថ្ងៃពុធ ទី១១ ខែវិច្ឆិកា និងបានសម្លាប់មនុស្សចំនួន ៨៥នាក់ហើយ៕ ហ្សា
