ការនាំចេញម្រេចកំពតទៅកាន់ទីផ្សារនៅលើពិភពលោកនៅតែមានស្ថេរភាពខណៈកូវីដ ១៩ បានបន្តរីករាលដាល។ ម្រេចកំពតប្រមាណជា៥០ តោនត្រូវបាននាំចេញទៅកាន់ទីផ្សារបរទេសរួមមានសហភាពអឺរ៉ុប សហរដ្ឋអាមេរិក ជប៉ុន កូរ៉េខាងត្បូង ហុងកុងនិងតៃវ៉ាន់។ នេះបើតាមការឱ្យដឹងពីលោក ងួន ឡាយ ប្រធានសមាគមម្រេចកំពត។
យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថាក្នុងរយៈពេល ៩ ខែឆ្នាំនេះប្រទេសកម្ពុជាបាននាំចេញម្រេចចំនួន ៤.១២១,៩៥ តោនកើនឡើងចំនួន ១២៣,៧៦ ភាគរយបើធៀបនឹងរយៈពេលដូចគ្នាកាលពីឆ្នាំមុន។
ម្រេចកម្ពុជាត្រូវបាននាំចេញទៅ ២១ ប្រទេសនិងដែនដីរួមមានប្រទេសជប៉ុន ប៊ែលហ្សិក ហូឡង់ បារាំងអាល្លឺម៉ង់ ស្វ៊ីស វៀតណាម អាមេរិក រុស្ស៊ី អង់គ្លេស ឥណ្ឌា បេឡារុស្ស កូរ៉េ សាធារណរដ្ឋឆែក ណូវែលសេឡង់ អូស្ត្រាលី ថៃ ស៊ុយអែត សិង្ហបុរី អូស្ត្រាលី និងតៃវ៉ាន់៕