ការស្នើសុំលក់ប្រព័ន្ធមីស៊ីល និងប្រព័ន្ធសព្វាវុធផ្សេងៗទៀតរបស់សហរដ្ឋអាមេរិក នាពេលថ្មីៗនេះ នឹងជួយបង្កើនសមត្ថភាពរបស់កោះតៃវ៉ាន់ ក្នុងការការពារខ្លួន បន្ទាប់ពីមានការគំរាមកំហែងពី ប្រទេសចិនឥតឈប់ឈរ។ នេះបើតាមការចេញផ្សាយ ដោយសារព័ត៌មាន CNA នៅល្ងាចថ្ងៃអង្គារ ទី២៧ ខែតុលា ឆ្នាំ២០២។
អ្នកនាំពាក្យក្រសួងការពារជាតិកោះតៃវ៉ាន់ លោក Shih Shun-wen បានអះអាងថា តៃវ៉ាន់នឹងធ្វើការសងសឹកចិន ដោយការទិញសព្វាវុធទំនើបៗពីក្រុមហ៊ុន Lockheed Martin, ក្រុមហ៊ុន Raytheon Technologies និងក្រុមហ៊ុន Boeing ដែលជាក្រុមហ៊ុនម៉ៅការផ្ដាច់មុខ ក្នុងការលក់ប្រព័ន្ធមីស៊ីលការពារឆ្នេរសមុទ្រ ហាភូន (Harpoon) នៅក្នុងតម្លៃជិត ២.៤ពាន់លានដុល្លារអាមេរិកទៅឲ្យកោះតៃវ៉ាន់។
លោកបញ្ជាក់ថា ការទិញសព្វាវុធទាំងនេះនឹងជួយបង្កើនសមត្ថភាព, សន្តិភាព, ស្ថិរភាពនយោបាយ, តុល្យភាពយោធា, និងជាពិសេសនោះ គឺវឌ្ឍនភាពនៅក្នុងតំបន់កោះតៃវ៉ាន់តែម្ដង៕
