ប្រទេសឥណ្ឌា បានដាក់ឱ្យដំណើរការនាវាចម្បាំង ដែលផលិតដោយដៃខ្លួនឯង នៅឯកំពង់ផែទីក្រុង Visakhapatnam រដ្ឋ Andhra Pradeshភាគខាងត្បូងប្រទេស។ នេះបើតាមការចេញផ្សាយ ដោយទីភ្នាក់ងារព័ត៌មានចិនស៊ីនហួរ។
នាវាចម្បាំងប្រឆាំងនាវាមុជទឹក នេះ មានឈ្មោះ INS Kavaratti ត្រូវបានប្រគល់ឱ្យប្រគល់កងទ័ពជើងទឹកឥណ្ឌា យកទៅប្រើប្រាស់ជាផ្លូវការនៅថ្ងៃទី២២ ខែតុលា ឆ្នាំ២០២០ ម្សិលមិញ ក្រោមការចូលរួមដោយផ្ទាល់ពីប្រមុខកងទ័ពឥណ្ឌា លោកនាយឧត្ដមសេនីយ៍ Mukund Naravane។
INS Kavaratti មានចំនួន០៤គ្រឿង ត្រូវបានផលិតឡើងដោយក្រុមអ្នកជំនាញ នៃកងទ័ពជើងទឹកឥណ្ឌា។ នាវានេះបំពាក់ដោយអាវុធទំនើបៗ រួមមាន ប្រព័ន្ធស៊ិនស័រ សម្រាប់ចាប់សញ្ញា និងមានសមត្ថភាពប្រឆាំងនាវាមុជទឹក៕