ខេត្តបាត់ដំបង៖ បន្ទាប់ពីជួបគ្រោះធម្មជាតិបង្ករជាជំនន់ទឹកភ្លៀងវាយប្រហារចូលមកប្រទេសកម្ពុជា បណ្តាលអោយខេត្តជាច្រើនបានរងការជនលិចក្នុងនោះមានខេត្តបាត់ដំបងផងដែរ និងបានធ្វើអោយហេដ្ឋារចនាសម្ព័ន្ធផ្លូវថ្នល់ រួមទាំងប្រព័ន្ធលូជាច្រើនត្រូវបានទទួលរងនូវការខូចខាតយ៉ាងតំណំខណះដែលស្រុកមួយចំនួនទឹកបានថមថយ និងមួយចំនួននៅបន្តជន់លិចនៅឡើយ។
ជាការឆ្លើយតបទៅហ្នឹងករណីខាងលើកាលពីថ្ងៃទី១៩ ខែតុលា ឆ្នាំ២០២០ម្សិលមិញ ឯកឧត្តម ស៊ុន.ចាន់ថុល រដ្ឋមន្ត្រីក្រសួងសាធារណ:ការនឹងដឹកជញ្ជូនរួមនិងគណ:ប្រតិភូ រួមជាមួយអាជ្ញាធរខេត្តបាត់ដំបង បានចុះពិនិត្យស្ថានភាពហេដ្ឋារចនាសម្ព័ន្ធផ្លូវថ្នល់នឹងប្រព័ន្ធលូមួយចំនួនដែលរងផលប៉ះពាល់ខូចខាតដោយជំនន់ទឹកភ្លៀង។
ឆ្លៀតក្នុងឱកាសចុះពិនិត្យស្ថានភាពខាងលើនោះដែរ ឯកឧត្តមរដ្ឋមន្ត្រីព្រមទាំងប្រតិភូអមដំណើរក៏បានចុះសួរសុខទុក្ខនិងចែកអំណោយមួយចំនួនជូនដល់ប្រជាពលរដ្ឋរងគ្រោះដោយទឹកជំនន់ចំនួន២០០គ្រួសារនៅក្នុងឃុំអូរតាគី នៃស្រុកថ្មគោលផងដែរ។
បើទោះបីជាអំណោយដែលត្រូវចែកជូននាពេលនេះវាពិតជាមានតិចតួចមិនបានគ្រប់គ្រាន់តាមតម្រូវការរបស់បងប្អូនប្រជាពលរដ្ឋដែលរងគ្រោះក៏ពិតមែន ប៉ុន្តែនេះជាការយកចិត្តទុកដាក់ពីសំណាក់រាជរដ្ឋាភិបាលបានចូលរួមចំណែកនឹងចែករំលែកសេចក្តីទុក្ខលំបាកក្នុងជីវភាពរស់នៅរបស់បងប្អូនក្នុងគ្រាដែលមានអាសន្នដោយគ្រោះធម្មជាតិនេះផងដែរ៕
