ខេត្តបាត់ដំបង៖ក្រុមកង់ប្រមាណជាង៣០នាក់បានចូលរួមកម្មវិធីជិះកង់ដើម្បីរក្សាបរិស្ថាន និងលើកស្ទួយវិស័យទេសចរណ៍ ក្នុងរយៈចម្ងាយជាង ៦០ គីឡូម៉ែត្រ ពីចំណុចទីរួមខេត្តបាត់ដំបង ឆ្ពោះទៅកាន់គោលដៅនៃខេត្តបន្ទាយមានជ័យ។
ដែលពិធីនេះដែរបានប្រារព្ធធ្វើឡើងកាលពីថ្ងៃទី១៧ ខែតុលា ឆ្នាំ២០២០ ម្សិលមិញ ក្រោមការដឹកនាំរបស់លោក សួន ភិន ប្រធានក្រុមកង់ខ្លារខិន ដោយមានការចូលរួមពីបណ្តាក្រុមកង់ផ្សេងៗគ្រប់ក្រុមប្រចាំខេត្តបាត់ដំបង សរុបចំនួន៣៥នាក់។
លោក សួន សុភិន ប្រធានក្រុមកង់ខ្លារខិន បានអោយដឹងថា ការផ្ដួចផ្ដើមរៀបចំព្រឹត្តិការណ៍ជិះកង់នេះឡើងគោលបំណងទី 1 ចូលរួមលើកស្ទួយកីឡាជិះកង់ឲ្យសាធារណៈជនស្រឡាញ់និងចូលចិត្តដែលកីឡាមួយនេះនាំមកនូវ សុខភាព មិត្តភាព សាមគ្គីភាព ទី 2 ចង់បង្ហាញអំពីតំបន់ទេសចរណ៍នានាក្នុងខេត្តនិងក្រៅខេត្ត ដែលក្រុមអ្នកជិះកង់បានទៅដល់តាមរយៈការផ្តិតយករូបភាពធម្មជាតិ ប្រាសាទ និងកន្លែងកម្សាន្តលំហែអារម្មណ៍ផ្សេងៗមកចែករំលែកដល់បងប្អូននៅលើបណ្ដាញសង្គមនានា ទី 3 រួមចំណែក
ថែរក្សាអនាម័យ បរិស្ថាន ដែលវាជាការពិតណាស់ការជិះកង់មិនចេញផ្សែងពុលដែលនាំឱ្យមានផលប៉ះពាល់ចំពោះបរិស្ថានដែលនេះជាចំណុចចាប់ផ្ដើមដំបូងដែលប្រជាជនយើងគួរចាប់ផ្ដើមគិតអំពីការជិះកង់។
លោកបន្តថា ការជិះកង់អាចបង្កើនចំណងមិត្តភាពសាមគ្គីភាពមិនត្រឹមតែខេត្តបាត់ដំបងនេះទេតែក៏នឹងអាចមានទំនាក់ទំនងនិងខេត្តផ្សេងៗដែលស្រឡាញ់ការជិះកង់នេះ។ជាមួយគ្នានេះលោកក៏សំណូមពរទៅដល់អ្នកបើកបរនៅលើដងផ្លូវទាំងអស់សូមមានការយោគយល់អធ្យាស្រ័យនៅពេលឃើញក្រុមអ្នកជិះកង់ណាមួយដែលកំពុងធ្វើដំណើរតាមដងផ្លូវ និងសូមមេត្តាប្រុងប្រយ័ត្នឲ្យបានខ្ពស់និងបន្ថយល្បឿនពិសេសចូលរួមគោរពច្បាប់ចរាចរណ៍ទាំងអស់គ្នា។
បន្ថែមពីនេះលោក សួន សុភិន ប្រធានក្រុមកង់ខ្លារខិននិងតំណាងឲ្យក្រុមកង់ទាំងអស់សូមថ្លែងអំណរគុណទៅដល់ក្រុមហ៊ុនសិនបូឌា អិនធើប្រាយ ដែលបានជួយឧបត្ថម្ភ ហើយក៏សូមអរគុណទៅដល់ក្រុមកង់ទាំងអស់ផងដែរដែលបានមកចូលរួមក្នុងព្រឹត្តិការណ៍នេះ។
សូមបញ្ជាក់ថាក្រុមហ៊ុន ស៊ីនបូឌា អេនធើប្រាយទទួលសិទ្ធចែកចាយផ្តាច់មុខនូវ ប្រេងរំអិលម៉ូទុលតិចប្រចាំកម្ពុជា តាំងពីឆ្នាំ2018។MotulTech ជាប្រភេទប្រេងរំអិលសម្រាប់យានយន្ត និងគ្រឿងចក្រធុនធ្ងន់ ដូចជា វិស័យវាយនភ័ណ្ឌ និងសំលៀកបំពាក់ វិស័យសំណង់ រោងចក្រស៊ីម៉ង់ រ៉ែ កសិកម្ម រថយន្តក្រុង រថយន្ដដឹកជញ្ជូនទំនិញ ម៉ាស៊ីនភ្លើង ថាមពលអគ្គិសនី កប៉ាល់នាវា ជាដើម។