កន្លងមកតែងតែមានសំណួរលើកឡើងថា បើក្នុងផ្ទះមានអ្នកជំងឺផ្ដាសាយ នោះសមាជិកក្នុងផ្ទះក៏ឆ្លងដូចគ្នាដែរ។ ចុះចំណែកអ្នកចាក់វ៉ាក់សាំងហើយវិញ អាចឆ្លងអត់?
លោកវេជ្ជបណ្ឌិតវេជ្ជបណ្ឌិត ហ៊ាង រតនា ឯកទេសជំងឺទូទៅ បានឲ្យដឹងថា ផ្ដាសាយជាជំងឺឆ្លងពីវីរុស។
ជំងឺផ្ដាសាយបណ្ដាលមកពីវីរុសជាង ២០០ ប្រភេទ ប៉ុន្តែជំងឺទូទៅ និងបង្កឡើងញឹកញាប់បំផុតគឺពពួក Rhinovirus ដែលយ៉ាងហោចណាស់ ៥០% នៃជំងឺផ្ដាសាយដែរ។
លោកបន្តទៀតថា វីរុសផ្សេងៗទៀតដែលអាចបង្កឲ្យមានជំងឺផ្ដាសាយមានដូចជា មេរោគ Coronavirus Respiratory syncytial virus Parainfluenza និងជំងឺគ្រុនផ្ដាសាយ។ ចំណែកដំណើរការឆ្លងមេរោគទាំងនោះ គឺឆ្លងតាមរយៈច្រមុះ និងបំពង់ក ប្រព័ន្ធការពាររាងកាយរបស់យើងនឹងធ្វើការប្រឆាំងជាមួយការចម្លងនោះ ដោយបង្កើតបានជារលាក និងសម្បោរ ហើយអ្នកជំងឺថែមទាំងអាចមានអាការៈ ក្តៅខ្លួន ធេងធោង ឈឺសាច់ដុំ អស់កម្លាំង ឬល្ហិតល្ហៃ។Hello គ្រូពេទ្យ
