Nadech Kugimiya បានចូលរួមកម្មវិធីមួយ ក៏ដូចជាបានផ្ដល់បទសម្ភាសក្នុងឱកាសនោះ ទាក់ទងនឹងគម្រោងផ្សេងៗ ជាពិសេសរឿងជីវិតគូ។
ការចេញផ្សាយរបស់ប៉ុស្តិ៍លេខ៣ថៃ លោក Nadech បាននិយាយថា លោកមានគម្រោងសុំតារាស្រី គឹ Yaya រៀបការ ប៉ុន្តែគ្រាន់តែចាំដល់ពេលមួយដ៏ស័ក្តិសមប៉ុណ្ណោះ។ មួយវិញទៀត លោកក៏មិនចង់បកស្រាយ ឬទម្លាយអ្វីច្រើនដែរ ព្រោះថាបើមិនដូច្នោះទេ នឹងមិនមានរឿងភ្ញាក់ផ្អើលឡើយ។
តារាសម្ដែងប្រុសប្រចាំប៉ុស្តិ៍លេខ ៣ថៃរូបនេះក៏បានបន្ថែមដែរថា ទាក់ទងរឿងរៀបការ លោកក៏បានពិភាក្សាជាមួយនឹង Yaya ដែរ តែលោកសុំមិនបង្ហើបថាពេលណាពេលនោះនឹងកើតឡើងទេ។
ទោះជាយ៉ាងណា លោកនៅតែបញ្ជាក់ថាកូនក្រមុំថ្ងៃរៀបការរបស់លោកមានតែម្នាក់ គឺជា Yaya Urassaya យ់ាងប្រាកដ ហើយនាងក៏ជាមនុស្សតែម្នាក់សម្រាប់លោកផងដែរ៕