សារព័ត៌មាន CNA បានចុះផ្សាយថា ប្រទេសចិនបានធ្វើសមយុទ្ធយោធា ក្បែរកោះតៃវ៉ាន់ ដើម្បីបង្ហាញពីសញ្ញាព្រមានទៅកាន់សហរដ្ឋអាមេរិក បន្ទាប់ពីមន្ត្រីជាន់ខ្ពស់របស់សហរដ្ឋអាមេរិកបានធ្វើទស្សនកិច្ចនៅកោះតៃវ៉ាន់ កាលពីពេលថ្មីៗនេះ។
អ្នកនាំពាក្យកងទ័ពរំដោះប្រជាជនចិន (PLA) បានថ្លែងថា សមយុទ្ធយោធានេះ ជាភាពចំបាច់ដើម្បីការពារអធិបតេយ្យភាពរបស់ប្រទេសចិន ដែលបានប្រព្រឹត្តទៅនៅភាគខាងត្បូង និងខាងជើងនៃច្រកសមុទ្រតៃវ៉ាន់។
មន្ត្រីជាន់ខ្ពស់យោធាចិន ក៏បានបញ្ជាក់ដែរថា សមយុទ្ធនេះគឺជាសារព្រមានទៅសហរដ្ឋអាមេរិក កុំឲ្យបង្កភ្លើងសង្គ្រាមនៅក្នុងតំបន់ ព្រោះបើតាមច្បាប់អន្តរជាតិ កោះតៃវ៉ាន់គ្រាន់តែជាខេត្តមួយ របស់ចិនតែប៉ុណ្ណោះ៕