សារព័ត៌មាន The Economic Times បានចុះផ្សាយនៅថ្ងៃទី២៧ ខែកក្កដា ឆ្នាំ២០២០ នេះ ថា រដ្ឋាភិបាលឥណ្ឌា បានប្រកាសពីការត្រួតពិនិត្យដើម្បីហាមឃាត់កម្មវិធីទូរស័ព្ទរបស់ចិន ចំនួន ២៧៥ បន្ថែមទៀត ក្នុងនោះក៏មានហ្គេម PlayerUnknown’s BattleGround (PUBG) និងកម្មវិធីតន្ត្រី Resso របស់ ByteDance។
រដ្ឋាភិបាលប្រទេសឥណ្ឌា បានរៀបចំតារាងបញ្ជីកម្មវិធីទាំងនោះជាផ្លូវការរួចស្រេចហើយ ដើម្បីធ្វើការហាមឃាត់។ ក្នុងចំណោមកម្មវិធីទាំង ២៧៥នោះ ក៏មានកម្មវិធីទិញទំនិញអនឡាញ ដូចជា AliExpress មកពីក្រុមហ៊ុន Alibaba និងកម្មវិធី ULike ផងដែរ។
រដ្ឋាភិបាលឥណ្ឌា បានបញ្ជាក់ថា មូលហេតុដែលយើងសម្រេចបិទកម្មវិធីទាំងអស់នោះ គឺបន្ទាប់ពីឥណ្ឌាពិនិត្យឃើញគុណវិបត្តិដូចជា ធ្វើឱ្យប៉ះពាល់ដល់សុវត្ថិភាពបុគ្គល និងការលួចយកទិន្នន័យរបស់ថ្នាក់ដឹកនាំ៕
