សារព័ត៌មាន រ៉យទ័រ បានចេញផ្សាយនៅថ្ងៃទី២៣ ខែកក្កដា នេះ ថា រដ្ឋាភិបាលបារាំង បានដាក់កំហិតដល់ប្រតិបត្តិករទូរគមនាគមន៍ទាំងអស់ នៅក្នុងប្រទេស បញ្ឈប់ការចុះកុងត្រាថ្មីជាមួយក្រុមហ៊ុន Huawei ដោយសារបញ្ហាសន្តិសុខជាតិ។
រដ្ឋាភិបាលបារាំង ក៏បានបង្គាប់ឱ្យប្រតិបត្តិករទូរគមនាគមន៍ទាំងអស់ បញ្ឈប់ការបញ្ជាទិញឧបករណ៍ 5G ពីក្រុមហ៊ុន Huawei ផងដែរ។
សូមបញ្ជាក់ថា វិធានការរបស់ប្រទេសបារាំង បានកើតមានស្របពេលដែលបណ្ដាប្រទេសជាច្រើន នៅទ្វីបអឺរ៉ុបហាក់ឯកភាពតាមការអំពាវនាវរបស់សហរដ្ឋអាម៉េរិក ក្នុងការហាមហាត់ការប្រើប្រាស់បច្ចេកវិទ្យា 5G របស់ក្រុមហ៊ុនបច្ចេកវិទ្យាប្រទេសចិន មួយនេះ ព្រោះតែទីក្រុងវ៉ាស៊ីនតោនបានលើកឡើងពីហានិភ័យនៃសន្តិសុខជាតិ៕
