ឪឡឹក ជាផ្លែឈើមួយប្រភេទសម្បូរទៅដោយសារធាតុទឹក និងវីតាមីន ជាច្រើនប្រភេទ ដែលជួយថែរក្សាស្បែកបានយ៉ាងល្អ។ ផ្លែឪឡឹកក៏ត្រូវបានគេយកទៅប្រើប្រាស់ជាសារធាតុផ្សំនៅក្នុងគ្រឿងសម្អាងមួយចំនួន ដោយសារតែគុណប្រយោជន៍នៃសមាសធាតុនៅក្នុងផ្លែឪឡឹក។
អត្ថប្រយោជន៍ដែលត្រូវបានរកឃើញនៅក្នុងផ្លែឪឡឹកមានដូចជា៖
១.ធ្វើឲ្យស្បែកភ្លឺ
ទឹកលាងមុខធ្វើពីទឹកឪឡឹកអាចជួយលាងសម្អាតស្បែកមុខខាងក្នុងរបស់អ្នកបានយ៉ាងជ្រៅ ។ ជ្រលក់សំឡីជាមួយនឹងទឹកឪឡឹកដែលលាយជាមួយទឹកឃ្មុំរួចធ្វើការជូតវាពេញផ្ទៃមុខនិងករបស់អ្នក ។ អ្នកប្រាកដជាមានអារម្មណ៍ស្រស់ស្រាយនិងស្បែកភ្លឺថ្លា ។
២.កម្ចាត់មុនក្បាលខ្មៅ
ត្រូវយកសាច់ឪឡឹកមកច្របាច់យកទឹកហើយលាយជាមួយម្សៅ besan (ប្រភេទម្សៅសម្រាប់យកទៅធ្វើអាហារដែលសំបូរទៅដោយជាតិប្រូតិអ៊ិន ដែកនិងfiber) រួចលាបវាលើមុខហើយទុកវាចោលពី២០ទៅ២៥នាទីរហូតដល់វាស្ងួតសឹមលាងវាចេញ។ វាពិតជាជួយកម្ចាត់មុនក្បាលខ្មៅនិងធ្វើឲ្យមុខរបស់អ្នកសភ្លឺជាងមុន។
៣.ជួយកាត់បន្ថយស្នាមខ្មៅដោយសារកម្តៅថ្ងៃ
ផ្លែឪឡឹកនិងត្រសក់ដែលមានបរិមាណស្មើគ្នារួចកិនវាលាយចូលគ្នា។ រួចលាបលើមុខរបស់អ្នករួចទុកវាចោលប្រហែល២០នាទី។ អនុវត្តតាមរូបមន្តនេះជារៀងរាល់ថ្ងៃក្នុងរយះពេល១ខែអ្នកនឹងឃើញស្នាមខ្មៅដោយសារកម្តៅរលាយបាត់អស់ជាមិនខាន៕
