រោងកុនមួយចំនួន នៅប្រទេសចិន នឹងត្រូវបើកដំណើរការឡើងវិញ នាសប្តាហ៍ក្រោយ តែត្រូវអនុវត្តតាមវិធានគម្លាតសង្គម។ នេះបើយោងតាមការចុះផ្សាយដោយ CAN កាលពីថ្ងៃទី១៦ ខែកក្កដា ឆ្នាំ២០២០ ម្សិលមិញ។
រដ្ឋបាលចិន បាននិយាយថា រោងកុននៅក្នុងតំបន់ដែលមានហានិភ័យទាប អាចនឹងដំណើរការឡើងវិញ នៅថ្ងៃទី២០ ខែកក្កដា ខាងមុខ ប៉ុន្តែត្រូវមានការវាស់កម្តៅ ពាក់ម៉ាស់ ឬរបាំងមុខ និងរក្សាគម្លាតកៅអីអង្គុយ ពិសេសនោះ រោងកុននីមួយៗត្រូវលក់សំបុត្រមិនលើសពី៣០ភាគរយនៃកន្លែងអង្គុយ។
សូមរំលឹកថា ចិនបានប្រកាសបិទរោងកុន តាំងពីអំឡុងខែមករា ឆ្នាំ២០២០ ដោយសារការរីករាលដាលនៃជំងឺកូវីដ១៩៕