មន្ត្រីសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំខេត្តស្វាយរៀង កាលពីថ្ងៃទី១៥ ខែកក្កដា ម្សិលមិញ បានរកឃើញ និងដកហូតងៀតបបែល និងពពុះសណ្តែក៦៥គីឡូក្រាម ផ្ទុកសារធាតុគីមី នៅក្នុងផ្សារវាលយន្ត ក្រុងស្វាយរៀង។
លោក ផឹង និល ប្រធានសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ខេត្តស្វាយរៀង បានថ្លែងថា ក្រោយមន្ត្រីជំនាញពិនិត្យ និងធ្វើតេស្តម្ហូបអាហារចំនួន៤០គំរូ ជាលទ្ឋផលរកឃើញសារធាតុគីមី(borax )ដាក់ក្នុងងៀតបបែល៣០គីឡូក្រាម និងពពុះសណ្តែក៣៥គីឡូក្រាម ហើយមន្ត្រីជំនាញបានធ្វើកំណត់ហេតុ ដកហូតទំនិញទាំងនោះ យកមករក្សាទុកដើម្បីធ្វើការ ដុតកម្ទេចចោលនៅពេលក្រោយ៕
