អង់គ្លេស៖ កាលពីពេលថ្មីៗនេះ រដ្ឋាភិបាលអង់គ្លេសបានបង្ហាញកញ្ចប់ថវិការ ៣៧ពាន់លានដុល្លារ ដើម្បីសង្គ្រោះ និងស្រោចស្រងឡើងវិញនៃវិស័យសេដ្ឋកិច្ចដែលរងផលប៉ះពាល់ដោយសារជំងឺកូវីដ១៩។
មន្ត្រីជាន់ខ្ពស់របស់គណៈរដ្ឋមន្ត្រី លោក Rishi Sunak បានប្រាប់សភាថា វិធានការថវិការនេះរួមបញ្ជូលទាំងការបន្ថែមប្រាក់ដល់បណ្តាក្រុមហ៊ុនក្នុងការរក្សាបុគ្គលិកនិងបណ្តុះបណ្តាលជំនាញ ព្រមទាំងការវិនិយោគលើការងារបៃតង ខណៈដែលប្រជាពលរដ្ឋទូទាំងប្រទេសនឹងទទួលទានអាហារក្នុងភោជនីយដ្ឋានដោយមានការបញ្ចុះតម្លៃ។
តាមប្រភពបានបន្ថែមទៀតថា វិធានការផ្សេងៗទៀតរួមទាំងបន្ថយកម្រិតពន្ធបណ្តោះអាសន្ន លើអាហារ ការស្នាក់នៅ ព្រមទាំងពន្ធប្រថាប់ត្រាសម្រាប់ការទិញលំនៅដ្ឋានក្នុងគោលបំណងជួយផ្នែកសាងសង់៕