(ភ្នំពេញ)៖ ដូចរាល់ដងដែរ, ប៉ុន្តែនៅថ្ងៃទី២១កញ្ញា ចុងសប្ដាហ៍ នេះ ដោយចំលើទិវាបេតិកភណ្ឌ ទូតបារាំងប្រចាំទីក្រុងភ្នំពេញ បានប្រកាសឲ្យសាធារណៈជន ចូលទស្សនាឧទ្យានរបស់ខ្លួន ដែលមានទីតាំងក្នុងស្ថានទូតដោយសេរី, ដោយមិនបាច់ចុះឈ្មោះជាមុននោះទេ។
យោងតាមសេចក្ដីប្រកាសព័ត៌មានរបស់ទូតបារាំង នាថ្ងៃទី១៨ កញ្ញា នេះឲ្យដឹងថា ឧទ្យានោះមានដើមឈើជាង២រយដើម និងជាង៥០ប្រភេទផ្សេងៗគ្នា រួមទាំងវត្ថុសិល្បៈ ដែលជាស្នាដៃ របស់សិល្បករបារាំង និងខ្មែរ ដាក់តាំងនៅទីនោះផងដែរ ។
កម្មវិធីចូលទស្សនា នឹងចាប់ផ្ដើមពីម៉ោង៨ព្រឹក ដល់ម៉ោង៤រសៀល (រួមទាំងពេលថ្ងៃត្រង់ពីម៉ោង១២ដល់ម៉ោង២រសៀលផងដែរ ។ តែយ៉ាងណាក៍ដោយទូតបានបញ្ជាក់ថា មិនអនុញ្ញាតឱ្យយកចំណីអាហារ ភេសជ្ជៈ (លើកលែងទឹក) និងកាបូបធំៗចូលនោះទេ៕ កែវ រំចង់
